AEJ Shqipëri: të shkarkohet nga detyra drejtori në TVSH Rezart Aga, pas sulmit ndaj Top News

 

Shoqata e Gazetarëve Europian dega Shqipëri, dënon dhunën dhe pengimin e Rezart Agës ndaj ekipit të “Top News”, për të ushtruar detyrën e informimit të publikut.

Një ditë më parë Aga, ka ndaluar ekipin e “Top News”, të transmetonte nga Sheshi Skënderbej atmosferën para ndeshjes së europianit. Ai ka shkuar më tej duke kërcënuar dhe ofenduar gazetaren dhe kameramanin, duke ju hequr dhe kabllot e transmetimit live.

AEJ Albania, e konsideron një veprim që cënon rëndë lirinë e medias dhe të patolerueshëm sidomos kur vjen nga një person që është vetë i angazhuar në media, si drejtor pranë Radio Televizionit Publik Shqiptar.

AEJ Albania, i bën apel Këshillit Drejtues të “RTSH” ta shkarkojë menjëherë nga puna drejtorin Rezart Aga, për shkejle jo vetëm të etikës, por edhe kërcënimin e hapur ndaj ekipit të “Top News”. Në median publike që financohet nga taksapaguesit, nuk mund të punojnë njerëz që kërcënojnë dhe sulmojnë gazetarët në ushtrimin e detyrës.

AEJ  Shqipëri, shpreh solidaritetin maksimal dhe mbështetjen ndaj kolegëve Geriola Hate dhe Eno Çuçllari,  të cilët u penguan të zhvillonin të lirë punën e tyre dhe do të informoj edhe organizmat ndërkombëtar për këtë çështje.



Lini një Përgjigje

sqAlbanian
en_USEnglish sqAlbanian