Shoqata e Gazetarëve Shqiptarë përshëndet vendimin e Gjykatës Kushtetuese në favor të gazetarit Elton Qyno, duke e konsideruar atë një hap të rëndësishëm dhe inkurajues për mbrojtjen e lirisë së medias në Shqipëri. Sekuestrimi i mjeteve të punës të gazetarëve është diçka e papranueshme në demokraci, prandaj vendimi i Kushtetueses është një gur themeli i rëndësishëm në mbrojtjen e këtyre parime.

Ky vendim është një dëshmi e qartë se demokracia forcohet vetëm kur respektohet dhe garantohet e drejta e gazetarëve për të informuar publikun lirshëm dhe pa frikë nga ndëshkimi. Rasti i gazetarit Qyno është një kujtesë se roli i medias në një shtet të së drejtës është i pazëvendësueshëm dhe duhet mbrojtur në çdo kohë.

Ne besojmë se ky vendim vendos një precedent pozitiv për të gjithë gazetarët dhe është një sinjal i rëndësishëm se sistemi gjyqësor mund të jetë një garant i të drejtave themelore të njeriut dhe lirisë së shprehjes.

Shoqata jonë vijon të mbështesë çdo gazetar që punon me përkushtim dhe ndershmëri për të mbrojtur të drejtën e publikut për t’u informuar. Vendime të tilla janë një nxitje për më shumë gazetari të lirë, të përgjegjshme dhe në shërbim të së vërtetës.