Zgjedhjet në SHBA, si gazetarët evituan fake news

Çështjet kryesore për mbulimin e zgjedhjeve të vitit 2020 në SHBA.

Nga Héloïse Hakimi Le Grand

Mbulimi i zgjedhjeve mund të ndryshojë ndjeshëm nga një cikël në tjetrin, por një pandemi globale, polarizim i shtuar dhe përhapja e keqinformimit i kanë kthyer zgjedhjet presidenciale të SHBA në vitin 2020 në një ngjarje të paparë e të vështirë për t’u përgatitur për gazetarët. Nga pamundësia për të udhëtuar te sulmet e përditshme ndaj profesionit të tyre, reporterëve u është dashur të përshtaten.

Në një webinar të IJNet-Muck Rack, Carrie Budoff Brown , redaktore e Politico dhe Bricio Segovia , korrespodent i Shtëpisë së Bardhë për “MVS Noticias” të Meksikës u përball me sfidat me të cilat përballen gazetarët në këtë cikël zgjedhor. Ata eksploruan vështirësitë e raportimit për një audiencë të huaj, rëndësinë e trajtimit të çështjeve delikate brenda historive të mbuluara  dhe praktikat më të mira për t’iu kundërvënë keqinformimit.

Mësoni nga zgjedhjet e kaluara

Paneli pranoi që zgjerimi i rrjetit burimor ishte një mësim kryesor i nxjerrë nga zgjedhjet e vitit 2016.

Segovia theksoi rëndësinë e bisedës me njerëz me prejardhje të ndryshme, me pikëpamje dhe përvoja të ndryshme, për të qenë në gjendje të pikturojnë një përfaqësim të drejtë të vendit. “Washington ,D.C është një flluskë që nuk përfaqëson të gjithë vendin, kështu që udhëtoni sa më shumë që të mundeni, bisedoni me njerëz aq të ndryshëm sa mund të gjeni në mënyrë që të keni pikëpamje të ndryshme dhe t’i shpjegoni audiencës tuaj se çfarë po ndodh në vend në tërësi”,-tha ai.

Brown, e cila mbuloi fushatën presidenciale të Barack Obamës në 2008 dhe shërbeu më parë si korrespondente e Shtëpisë së Bardhë të Politico, këshilloi gazetarët të qëndrojnë skeptikë në çdo kohë dhe të përmbahen nga raportimi i një rezultati përfundimtar që ata mund të supozojnë se do të ndodhë. “Gjithmonë u them reporterëve të mi që të testojnë supozimet e tyre”, tha ajo

Brown shtoi se është e rëndësishme për reporterët të krijojnë një sërë kontaktesh që ti përdorin për raportimin e tyre. “Ju keni nevojë për një rrjet të larmishëm burimesh – gjeografikisht, profesionalisht, racor, etnikisht,” tha ajo. Kjo do të ndihmojë që raportimi juaj të jetë i mirëinformuar dhe i lirë nga situatat e padëshiruara. “Kur u afroheni tregimeve, duhet të hidhni një rrjetë sa më të gjerë  për t’u siguruar që të kapni lajmin dhe jo një jehonë të rreme. Paragjykimi i konfirmimit mund të depërtojë për një zgjedhje kombëtare si kjo “.

Mbulimi i zgjedhjeve amerikane për një audiencë kryesisht jo-amerikane.

Një spiker ndërkombëtar i lajmeve fitues i çmimeve, i cili ka raportuar nga mbi 30 vende gjatë karrierës së tij, Segovia, tha se korrespondentët e huaj duhet të jenë në gjendje të përkthejnë gjuhën kritike dhe konceptet kulturore. “Bazat e gazetarisë dhe të qenit korrespondent po përpiqen të shpjegojnë gjëra që zakonisht janë të vështira për t’u kuptuar” ,-tha ai.

Kjo detyrë ka qenë më e vështirë nën administrimin e Trump. “Kur Presidenti bën Tweet, ai përdor shumë zhargon, shumë lojëra fjalësh që janë jashtëzakonisht të vështira për t’u përkthyer për një audiencë spanjishtfolëse. Thelbi i mesazhit mund të humbasë”,-tha ai.

Segovia gjithashtu vuri në dukje se kur ai punon vetëm, ai është në gjendje të ketë më shumë kontroll mbi historinë që po raporton. Sidoqoftë, kjo gjithashtu vjen me sfidat e veta. Ai shpesh nuk mund të raportojë nga gjurmët e fushatës, për shembull, sepse i duhet të mbulojë presidentin në Uashington dhe në këtë rast puna vetëm e bën më sfiduese raportimin në të dy anët e fushatës.

Në skalitje të kënvështrimeve unike.

Brown ka kaluar disa vjet duke ndërtuar kapacitetin raportues të Politico-s në disa shtete kritike të fushës së betejës. Redaksia tani ka zyra zyrtare në shtatë shtete dhe reporterë më shumë në numër. Ajo e ka shfrytëzuar këtë avantazh unik gjatë këtij cikli zgjedhor. Gjysma e reporterëve politikë kombëtarë të Politico janë reporterë kryesorë me qendër në Florida, Michigan, Illinois, North Carolina, Pennsylvania dhe në të gjithë Anglinë e Re.

“Këta reporterë janë më të mirët në këto shtete. Këta nuk janë reporterë që i morëm nga Uashingtoni dhe i vendosëm në mënyrë të rastësishme, por janë reporterë që kanë raportuar gjatë gjithë karrierës së tyre në këto vende ”,-tha ajo “Për dekada, botimet kombëtare nuk kishin njerëz në shtete dhe mendoj se do të duhet të ndryshojë në të ardhmen. ”

Brown u bëri thirrje të gjithë reporterëve të ndjekin histori që dikush tjetër nuk i ka shkruar ende. “Misioni dhe motoja e reporterëve të mi është nëse diçka është raportuar, le të mos e shkruajmë. Le të gjejmë diçka të re për të thënë në lidhje me të ose të presim derisa ta bëjmë. Kjo mendoj se është thelbësore për të dalluar veten në atë që është një ambient mediatik shumë i mbushur me njerëz, “tha ajo.

Bricio Segovia shtoi, “Unë gjithmonë them se një gazetar vlen sa vlera e listës së tyre të kontaktit.” Ndërtimi i rrjetit tuaj të burimeve është thelbësore për të gjetur histori unike, tha ai.

Duke u siguruar që raportimi është mbizotërues mbi keqinformimin.

Brown theksoi rëndësinë e të qenurit jopartiak dhe të qenit I drejtuar nga faktet për të luftuar dezinformimin. “Nëse udhëheqim me fakte, ne mund të bëjmë pjesën tonë për t’iu kundërvënë çdo gjëje që gjendet atje.” Ajo shtoi : “Ne të gjithë kemi këtë privilegj të madh si gazetarë për të folur me audiencat, për të kërkuar përgjigje nga burimet. Si e ruajmë individualisht atë besueshmëri që të mund të vazhdojmë të bëjmë punët tona dhe mbase një ditë ta kthejmë rrjedhën? Ndoshta kjo është optimiste, por gjithçka që ne mund të bëjmë individualisht është puna bazuar në fakte dhe ta nxjerrim atë në botë “.

Në ditët e sotme, dezinformimi shpesh vjen nga Shtëpia e Bardhë, vuri në dukje Segovia. “Ekziston një fushatë për të diskredituar mediat që janë kritike ndaj administratës duke i quajtur ato lajme të rreme,-” tha ai.

Ai shpjegoi se kur ka shumë zhurmë rreth verifikimit të fakteve, gazetarët gjithmonë kanë qenë kontrollues të fakteve. Sidoqoftë, në katër vitet e fundit atyre u është dashur të kontrollojnë faktet më shumë se kurrë. “Ne nuk mund ta lejojmë Presidentin të vendosë agjendën e lajmeve”, -tha Segovia. “ Çfarëdo që shtyn agjendën e lajmeve është e rëndësishme. Nëse nuk është, thjesht mos e raportoni ”.

Paneli pranoi që shkrim-leximi në media është një hap thelbësor drejt luftimit të dezinformatave. “Ne duhet të edukojmë brezat e rinj të konsumatorëve të lajmeve. Cili është roli i një gazetari? Pse është e rëndësishme gazetaria? Pse është e rëndësishme të kontrolloni disa burime? ” tha Segovia. Brown shtoi, “Unë nuk mendoj se është kurrë vonë për shkrim-leximin në media, megjithatë, mendoj se është një betejë e e rëndësishme.

Segovia, i cili tha se  është sulmuar shumë herë ndërsa raportonte në SH.B.A., vuri në dukje se mosbesimi në rritje i publikut ndaj medias ka çuar në shqetësime të sigurisë. Akoma, ai mbetet me shpresë. Ai tha: “Ne duhet të kujtojmë se ka edhe shumë njerëz që besojnë në ne dhe që besojnë se kemi një rol thelbësor në shoqëri.”

Mbi efektet e COVID-19 në mbulimin e zgjedhjeve.

“Bota në të cilën kemi jetuar para Marsit në kuptimin e mënyrës se si e kemi mbuluar fushatën është thjesht inekzistente,” tha Brown. Udhëtimi është i kufizuar, siç është kontakti me votuesit. Pasja e reporterëve në të gjithë vendin, veçanërisht në shtetet që ndryshojnë, është një mënyrë për të kompensuar ndryshimet. “Ne po mbështetemi më shumë tek këta reporterë në shtete për të raportuar intensivisht se çfarë po ndodh në mënyrë që të japim një pamje më të mirë se ku po drejtohet kjo garë në shkallë vendi.”

Segovia tha që COVID-19 ndryshoi në mënyrë drastike punën e tij si korrespondent i huaj, duke filluar me Shtëpinë e Bardhë. Ndërveprimi me zyrtarë të qeverisë dhe reporterë të tjerë është i kufizuar. Aksesi tek presidenti tani është i rezervuar vetëm për trupat e shtypit dhe puna nga ambientet e Shtëpisë së Bardhë nuk është më e mundur.

Meqenëse Segovia është një ekip me një person, udhëtimet kanë qenë dikur opsioni i tij i vetëm për të mbuluar zhvillimet e lidhura me zgjedhjet në shtetet e tjera. Gjatë COVID, ai tani mbështetet më shumë në mediat sociale për të kontaktuar votuesit dhe burime të tjera. “Media sociale ka qenë kjo dritare për çdo gazetar për të arritur miliona njerëz,” tha Segovia. “Ju mund të gjeni histori të mira përmes mediave sociale dhe mund të ndërtoni një histori të shkëlqyer duke u afruar njerëzve, pavarësisht se ku jeni ”.

Brown paralajmëroi se përdorimi i mediave sociale, megjithatë, mund të çojë në paragjykim pasi të vetmit njerëz me të cilët do të flisni janë ata që vendosin ta përdorin atë.  Unë do të përpiqesha të shkoja kudo ku ka akoma njerëz që mblidhen në vend.

Përgatiti: Xhorxhina Deda