Reagim, AEJ dënon intimidimin e gazetares Ambrozia Meta!

Shoqata e Gazetarëve Europianë, seksioni shqiptar, dënon situatën e krijuar ditën e sotme mes Kryeministrit Edi Rama dhe gazetares Ambrozia Meta.

Gazetarja Meta duke kryer detyrën e saj po këmbëngulte për të marrë një përgjigje nga kryeministri Rama mbi një projekt për zhvillimin e resorteve në ishullin e Sazanit në Vlorë, por u përball me gjuhë intimiduese deri në cenim të integritetit fizik.

Prekja fizike e gazetares është cenim i Kodit të Etikës dhe i integritetit fizik. AEJ dega Shqipëri dënon sulmet ndaj gazetarëve dhe mediave duke i vlerësuar si të papranueshme.

AEJ inkurajon çdo media dhe gazetaren Meta që mos intimidohet në profesionin e saj nga politika apo grupe të tjera të interesit. AEJ do të informojë platformat ndërkombëtare për këtë incident!



Leave a Reply