Shoqata e Gazetarëve Europianë – Seksioni Shqipëri dënon me ashpërsi sulmin dhe presionin e ushtruar ndaj gazetarit Almer Toska nga biznesmeni Lul Morina, të denoncuara nga vetë gazetari.

Këto veprime jo vetëm që rrezikojnë sigurinë e tij, por edhe minojnë raportimin dhe integritetin e gazetarisë në Shqipëri.

Shoqata e Gazetarëve Europiane dega Shqipëri bën thirrje për ndërhyrjen e menjëhershme të autoriteteve kompetente për të parandaluar kërcënimet e mëtejshme dhe për të siguruar kushtet e duhura për ushtrimin e gazetarisë së lirë dhe të pavarur.

Ne do të qëndrojmë në mbështetje të kolegut Almer Toska dhe të gjithë gazetarëve të tjerë që përballen me presione të tilla.