Shoqata e Gazetarëve Europianë (AEJ) shpreh shqetësimin e thellë dhe dënon ashpër vendimin e autoriteteve greke për shpalljen “Non Grata” të gazetarit shqiptar Artan Hoxha.

​Ky vendim është krejtësisht i papranueshëm dhe aspak normal për një vend anëtar të Bashkimit Europian.

​Qeveria greke duhet të ndalojë menjëherë këtë praktikë të gabuar. Kufizimi i lirisë së një gazetari për të udhëtuar dhe raportuar, pa dhënë arsye bindëse dhe transparente, minon themelet e demokracisë dhe parimet bazë të BE-së, të cilat Greqia duhet t’i respektojë.

​AEJ dega Shqipëri u bën thirrje autoriteteve greke:

​Të anulojnë sa më shpejt vendimin kundër zotit Hoxha.

​Të sqarojnë publikisht arsyet e këtij vendimi.

​Të garantojnë që gazetarët, si Artan Hoxha ashtu edhe të tjerët, mund të ushtrojnë profesionin e tyre lirisht dhe pa frikë nga ndëshkimet politike.

​Liria e shtypit nuk është një opsion, por një domosdoshmëri për çdo shtet europian. AEJ Dega Shqipëri solidarizohet plotësisht me gazetarin Hoxha dhe angazhohet ta ngrejë çështjen në instancat europiane